u 15 di Maghju 2013 - scrittu dà 
A vargugna
Hè fattu ! L’ACA hè campiona di Liga 1 ! Pà a prima volta di a storia, una squatra corsa hè campiona ! Un mesi di festa principia in Corsica, fora di calchì bastiacciu chì mughja « ACA gaulois ». Andy Delort hà missu 4 scopi contru à u PSG, pà l’ultima ghjurnata. Ciò chì hà pirmissu d’avà 1 puntu di più cà u ricchu. Hè un pocu David è Goliath. I cità sò rossi è bianchi. L’orsi escenu di i casi.
Chì staghjoni ! 38 partiti di scimizia ! Quindicesima dopu à 8 ghjurnati, a Squatra di a Corsica hà rialisatu dopu un parcorsu parfettu. U nosciu Delort compie u campiunatu cù 31 scopi ! Miraculu ? Innò ! Una squatra cullettiva è chì prova, chò ghjoca. Ancu Zidane ci hà dittu : « C’est du beau jeu. ». Ma sta vittoria, hè a vittoria di a scelta di a squatra di fà ghjucà di più Aiaccini è Corsi. Di una mintalità loscia loscia, semi passati à una mintalità ancu di più guerriera cà quella di u SCB.
U SCB, ellu, hà fattu dinò una bella staghjoni, ma fala in Liga 2. Avia finitu à l’uttesima piazza, ma un mustacciutu n’hà dicisu di modu altru… A viulenza saria di più prisenta in Bastia cà in Parighji o Marseglia. Quissa, nimu a crede, ma cù l’ACA campiona, mustacciutu hà guasgi persu u cori.
Pà i sustenidori di u SCB, hè guasgi una fierezza di piglià tutta a rabbia di st’omu. Si trova un sensu à a vita ind’a lotta dicia Freud.
Ma oghji, hè statu urganisatu una partita amicali trà i duii squatri prufissiunali. Ben intensu, hà vintu l’ACA. Poulard chì t’hà più di 40 anni avà, hà ancu missu u soiu ! 7 à 0 ! In Bastia !
U troppu stroppia ! Ange, sustenidori di u SCB ùn ne pò più. Di diti, si dicicuta l’oghji ! Corre u sangui. L’oghji si zalimbrinanu. I narvi sò sempri quì, cascanu l’ochji à nivellu di u bavellu. Ange vede a tarra. Marchja è mughja : « Chì vargogna ! Da Poulard ! Poulard ! U lonzu Poulard ! ». Camina sempri Ange. Pienghje lacrimi di sangui. Corre. Ma ùn vede mancu i pali chì pruteghjenu a casa di pettu à ellu. Impalatu, vede u so sangui, eccu a so ultima parola : « Sangui meu, ancu tù sè divintatu rossu … ».
Hè fattu ! L’ACA hè campiona di Liga 1 ! Pà a prima volta di a storia, una squatra corsa hè campiona ! Un mesi di festa principia in Corsica, fora di calchì bastiacciu chì mughja « ACA gaulois ». Andy Delort hà missu 4 scopi contru à u PSG, pà l’ultima ghjurnata. Ciò chì hà pirmissu d’avà 1 puntu di più cà u ricchu. Hè un pocu David è Goliath. I cità sò rossi è bianchi. L’orsi escenu di i casi.
Chì staghjoni ! 38 partiti di scimizia ! Quindicesima dopu à 8 ghjurnati, a Squatra di a Corsica hà rialisatu dopu un parcorsu parfettu. U nosciu Delort compie u campiunatu cù 31 scopi ! Miraculu ? Innò ! Una squatra cullettiva è chì prova, chò ghjoca. Ancu Zidane ci hà dittu : « C’est du beau jeu. ». Ma sta vittoria, hè a vittoria di a scelta di a squatra di fà ghjucà di più Aiaccini è Corsi. Di una mintalità loscia loscia, semi passati à una mintalità ancu di più guerriera cà quella di u SCB.
U SCB, ellu, hà fattu dinò una bella staghjoni, ma fala in Liga 2. Avia finitu à l’uttesima piazza, ma un mustacciutu n’hà dicisu di modu altru… A viulenza saria di più prisenta in Bastia cà in Parighji o Marseglia. Quissa, nimu a crede, ma cù l’ACA campiona, mustacciutu hà guasgi persu u cori.
Pà i sustenidori di u SCB, hè guasgi una fierezza di piglià tutta a rabbia di st’omu. Si trova un sensu à a vita ind’a lotta dicia Freud.
Ma oghji, hè statu urganisatu una partita amicali trà i duii squatri prufissiunali. Ben intensu, hà vintu l’ACA. Poulard chì t’hà più di 40 anni avà, hà ancu missu u soiu ! 7 à 0 ! In Bastia !
U troppu stroppia ! Ange, sustenidori di u SCB ùn ne pò più. Di diti, si dicicuta l’oghji ! Corre u sangui. L’oghji si zalimbrinanu. I narvi sò sempri quì, cascanu l’ochji à nivellu di u bavellu. Ange vede a tarra. Marchja è mughja : « Chì vargogna ! Da Poulard ! Poulard ! U lonzu Poulard ! ». Camina sempri Ange. Pienghje lacrimi di sangui. Corre. Ma ùn vede mancu i pali chì pruteghjenu a casa di pettu à ellu. Impalatu, vede u so sangui, eccu a so ultima parola : « Sangui meu, ancu tù sè divintatu rossu … ».
U ritrattu
