Bloggu litterariu corsu

u 22 di Maghju 2013 - scrittu dà - lettu 161 volte

U piattu ghjacarinu

Pà unu di issi chjassi, in Corsica. Una girata si forti chì ci voli à allintà, scuprendu cusì un paisaghju magnificu, chì ci faci capì ch’ùn ghjova à nudda d’andà à a lestra. Bellu locu da veru… In bord’di strada, ci hè una casetta, anziana, pittoresca. È pusatu nantu à u muru, fumendu a so pippa à u soli, ci hè un vichjettu, barbutu è guizzu guizzu, cum’è nantu à i carti. Eppò ci hè u ghjacaru è u ghjacitoghju.

Ma cusì goffu stu ghjacaru !


U piattu ghjacarinu


U piattu ghjacarinu

Pà unu di issi chjassi, in Corsica. Una girata si forti chì ci voli à allintà, scuprendu cusì un paisaghju magnificu, chì ci faci capì ch’ùn ghjova à nudda d’andà à a lestra. Bellu locu da veru… In bord’di strada, ci hè una casetta, anziana, pittoresca. È pusatu nantu à u muru, fumendu a so pippa à u soli, ci hè un vichjettu, barbutu è guizzu guizzu, cum’è nantu à i carti. Eppò ci hè u ghjacaru è u ghjacitoghju.

Ma cusì goffu stu ghjacaru !

-    Putana gobba ! lenta u turistu, pistendu u frenu. Guarda la me cara, ind’i cosa manghja stu ghjacaracciu !

Pianu pianinu, si principia una marchja invertita.

L’impastata di l’animali si trova ind’un piattoni, fattu d’oru è di diamanti, una fortuna pà l’ochji di l’amatori.

U turistu s’avvicina di u vichjettu, capellu in manu :
-    Cusì bellu ghjacaru ! Una maraviglia !
-    Tssss ! Burla burla ! Hè un ghjacaracciu, hè malatu. Hè gattivu è tene puci cum’è i zitelli brutti tenini pidochji !
-    Ùn feti casu, vi lu compru eiu.
-    Ùn vogliu ! Lu tengu in cori. Hà da cripà da quì à pocu, è hè quì ch’ellu criparà.
-    Ma capiti… Aviamu u stessu. Hè mortu u mesi scorsu. I zitelli pienghjini, ed eiu, circu …
-    Cum’è a tarra, ùn hè à venda.
-    Duii centi euri !
-    Manc’a vargugna !
-    Cinqui centi …
-    Ma …
-    Middi !
-    Cumu ! Mi darieti middi euri pà issu cadaveru ? Seti scemi ! Si trova di tuttu in la natura… Tocca à voi… Ditimi, a somma, l’aveti, quì, in biglietti, ch’eu poschi tuccalla ? Ùn aghju mai vistu tanti soldi…

U turistu sorti middi euri in biglietti, i dà à u vichjettu, stacca u ghjacaru, u si porta in vittura, siguitendu a so cumedia :

-    Zitelli mei, eccu u vostru tintu ghjacarellu, ùn era mortu, a vi l’avia dittu…

I zitelli acciuncati si scartani di l’animali. Prontu à cunducia, u turistu pensa, fromba u mutori, passa a prima… Ma volta à veda u paisanu :

-    Ci pensu… hà da cunnoscia a fami strada facendu, tandu, s’eu possu, aghju da piglià a so impastata.

Stendi i so mani versu u piattu, ma u taglia u paisanu :
-    Ben intesu Monsieur, tontu eru, tontu sò, l’impastata vi l’aghju da metta ind’una cunsirva. U piattu, u mi tengu. Rimittitilu in piazza, subbitu subbitu. Hè u terzu ghjacaru ch’eu vendu sta settimana.

Pricisioni data sguardu fieru ind’i l’ochji di u turistu.

Dopu à calchì centinaiu di metri, dopu à una bella girata, si trovani un manata di ghjacaracci andarini.


              



Dà leghje dinù

Ritornu - 03/05/2017

Sagapo - 29/10/2016

Parapachja - 11/06/2016

Ballu di rime - 08/06/2016

Mondu - 09/05/2016

Microcosme - 19/04/2016

Tobby - 12/02/2016

Le net a disparu - 01/11/2015

Scontru - 04/03/2015

Démission - 11/02/2015

Deus ex machina - 08/02/2015

Parallèles - 15/01/2015

L'omu di Cagna - 11/12/2014

Bogue - 09/10/2014

Sourire blanc - 03/10/2014

Poésie - 01/10/2014

Nature Loving - 04/09/2014

Mise au vert - 28/08/2014

Au revoir Maurice - 18/08/2014

Sous son aile - 13/08/2014

Recherche - 18/07/2014

Vols en écaille - 02/07/2014

Chant d'étoiles - 19/06/2014

Vertigo - 15/05/2014

Cavernes - 29/03/2014

L’esiliatu - 21/03/2014

1 2 3

Negru | Rossu | Biancu | Ghjallu | Critica | Feuilleton




Anima Cappiata !

Torna altri rumpistacchi chì ci impuzzicanu incù i so testi, vulendu propiu esse letti per sperà ottene una qualunque gloria ch'elli ùn anu micca in a so vita viota è senza intaressu. Bon... forze chì ghje vera. Ma ci n'impippimu. È pò, a mi diciarete, bloghi litterarii, nant'à a tela, è sopra tuttu nant'à a tela corsa, ci n'hè ghjà à buzzeffa ! Tanti scrivanetti pumposi ! È bè tantu peghju ! O tantu megliu ! Hè solu una vitrina di più per fà scopre qualchi testi scritti, senza pritenzione, incù u core, incù e trippe, o incù e viscere chì vi cunveneranu...