Bloggu litterariu corsu

u 9 di Marzu 2014 - scrittu dà - lettu 283 volte

U campusantu


Eccu, stu dopu meziornu, sò andatu à visità un campusantu duva ùn eru mai andatu. Iè, visitu i campisanti, trovu què propriu bellu.

Tandu, intrendu, s’hè passatu ciò chì si passa ogni volta : a ghjenti mi squadruchja.

Chì di modu ginirali, a ghjenti à u campusantu sò sempri vechji, è eiu, omu mi fighjula cum’è s’eiu viniu à prufanà i sipulturi. Sopratuttu chì à u mumentu ch’eu entru, cascu nantu à un « rispunsabuli », u tippu chì hè quì pà spazzà i tombi, innacquà i fiori è tuttu …

Bon, mi n’impippu, entru, francu i passati, leghju l’epitafii ; certi volti hè propiu scummuventi. È ghjungu à un tombonu.
Un bastimentu simpaticu, chì rimpiazza i tombi, hè pà i famaghji, guasgi pà un cadaveru solu ; pà quelli ch’ùn a sani.
Bon, u tumbonu era bellu bellu, vitratucciu, scrizzioni ind’u marmaru è tuttu. Bellu.

Cambiu via è 20 metri più luntanu, in tarra, trovu un mazzulu di fiori. Tandu u pighju è voltu pà mettalu ind’u tumbonu. Apru a porta, pongu i fiori, ch’elli ghjuvissini à carcosa, è riesciu (faci 1m² à l’internu, ùn hè micca un tempiu, semi d’accunsentu).

Esciendu, ricasca cusì nantu à u rispunsabuli. M’assalta prestru u tippu :

  • Chì feti quì ?
  • Bah richjodu a porta.
  • Hè u vosciu u tumbonu ?
  • Innò.
  • Hè scrittu « Famighja Casanova », fetimi veda i vosci papè d’idintità.
  • Cosa ? Ùn hè a me famighja oh.
  • Parchì intriti dentru allora ?
  • Aghju missu fiori.
  • Ùn avieti fiori intrendu !
  • Nò, ma ci era un mazzulu in tarra.
  • Ascoltami ià ! Basta cusì, ùn mi piaci a ghjenti di a to razza, fora, subbitu !
 
Bon, si passaia l’affari… Ma u tippu m’hà pighjatu pà un gitanu, basta i cunnarii, li dicu di d’azzittassi, li docu un basgiu nantu à a fronti, è mi punta u tippu.

Eccu chì m’azergu, sò vultatu ind’u tumbonu, è sò esciutu cù un libru di i morti, mi dici u tippu :

  • Oh ! Ùn faci u tontu cun què ! Hè sacru, ai da…
  • CUNFUTATIS MALEDICTIS !
  • Basta, t’inscimisci…
  • IMPERIUM DAMNATUS INFERNO FICATELLU !!!
 
U tippu si caccaia à dossu, è t’avia a raghjò, chì mentri chì u celu s’abbughjaia, i morti esciani di i so tombi quandu i dimonii passaiani in celu cum’è vespi diabulichi, mughjendu cum’è gitani, spavintendu u populu.

Ma u puteru trà i me mani mi parvirtia, è mentri ch’eu luttaiu pà cuntrullallu, mi supraneti, mi sprufundeti, senza cuscenza…
Era cascata a notti, u campusantu biotu, solu ci firmaia u corpu sticchitu sticcitu di u raspunsibuli, mortu di tarrori.


              



Dà leghje dinù

Ritornu - 03/05/2017

Sagapo - 29/10/2016

Parapachja - 11/06/2016

Ballu di rime - 08/06/2016

Mondu - 09/05/2016

Microcosme - 19/04/2016

Tobby - 12/02/2016

Le net a disparu - 01/11/2015

Scontru - 04/03/2015

Démission - 11/02/2015

Deus ex machina - 08/02/2015

Parallèles - 15/01/2015

L'omu di Cagna - 11/12/2014

Bogue - 09/10/2014

Sourire blanc - 03/10/2014

Poésie - 01/10/2014

Nature Loving - 04/09/2014

Mise au vert - 28/08/2014

Au revoir Maurice - 18/08/2014

Sous son aile - 13/08/2014

Recherche - 18/07/2014

Vols en écaille - 02/07/2014

Chant d'étoiles - 19/06/2014

Vertigo - 15/05/2014

Cavernes - 29/03/2014

L’esiliatu - 21/03/2014

1 2 3

Negru | Rossu | Biancu | Ghjallu | Critica | Feuilleton




Anima Cappiata !

Torna altri rumpistacchi chì ci impuzzicanu incù i so testi, vulendu propiu esse letti per sperà ottene una qualunque gloria ch'elli ùn anu micca in a so vita viota è senza intaressu. Bon... forze chì ghje vera. Ma ci n'impippimu. È pò, a mi diciarete, bloghi litterarii, nant'à a tela, è sopra tuttu nant'à a tela corsa, ci n'hè ghjà à buzzeffa ! Tanti scrivanetti pumposi ! È bè tantu peghju ! O tantu megliu ! Hè solu una vitrina di più per fà scopre qualchi testi scritti, senza pritenzione, incù u core, incù e trippe, o incù e viscere chì vi cunveneranu...