Bloggu litterariu corsu

u 5 di Maghju 2013 - scrittu dà - lettu 168 volte

U Sangui di Cristu





U Sangui di Cristu


Sonanu i campani, a ghjesgia hè carca. Hè prisentu u vescu oghji. Par una volta, ci sò ghjovani à buzeffu. L’evenimenti di a settimana di sicuru …

Silenziu.

Cummunioni di l’omi cù u silenziu è cù a vita. Un omu avia tombu à 13 parsoni è nimu l’avia vistu. Quali era ùn si sapia. Un drama micca cum’è l’altri. Nimu avia accusatu à i naziunalisti, è à dilla franca, nimu avia accusatu à nimu. Prima d’entre in ghjesgia una manifestazioni, forsa à più impurtanti di a storia corsa, s’era mossa in tutta a cità aghjaccina. Manifestazioni, ci n’eranu stati ind’a Corsica sana. Corre u sangui di l’omi cum’è corre l’acqua di u fiumi.

Silenziu.

Un populu maladittu. Quant’anni di guerra in Corsica ? Sarà forsa di più faciuli à sapè quant’anni di paci. Romani, Mori, Pisani, Ghjenuvesi, Francesi, Corsi, è avà un assassiniu senza naziunalità. Sarà què a mundialisazioni ? Sarà què u mischiu di i culturi ? Citadinu di u mondu ch’elli dicenu.

Lacrimi.

Apre a bocca u vescu. Duii centi paghji d’oghji è d’arechji aspettanu. Un rimuroni. U vescu casca in tarra. U sangui corre sottu à a croci divina. Chì si passa ?

Tarrori ghjinirali ind’u silenziu crudu.

I porti aparti si chjodenu. Cascanu l’omi è corre u sangui. Trè parsoni tenenu i porti, sò armati. Un antru tomba. Scambia di piazza cù unu di i trè. Corre u sangui.

Silenziu.

Ribombanu i sireni di a pulizza. Mancu una parola. Sfondanu a porta, un omu in neru si tene à l’altari, bracci in celu. 50 pulizzeri s’avanzanu. Pensanu tene l’omu, st’omu chì era solu calchì ghjornu fà. I diti trimanu. Una balla, una sola, hè sarà finitu tuttu. Ma l’ordini ùn sò quessi.

Spluzioni.

A catedrali ùn hè più. A piazza hè rossa. Hè finita a storia.


              



Dà leghje dinù

Quercus ilex - 20/04/2017

Le savoriste - 22/02/2017

La Madonne Sibilla - 29/01/2017

Le Patriote - 21/06/2016

Le reflet - 29/05/2016

La boîte à mutisme - 18/05/2016

La tour - 23/07/2015

Février 1769 - 16/06/2015

Vertige - 27/04/2015

A rivredda di Natale - 07/01/2015

Love kamikaze - 19/11/2014

Pointure 38 - 11/11/2014

Ses yeux noirs - 07/11/2014

L’enlèvement - 17/09/2014

Académique maraude - 12/09/2014

Polpa Vaccina - 08/09/2014

Le secret - 30/08/2014

Lettre de son moulin - 05/08/2014

Prédatrice - 01/08/2014

Bertrand - 17/06/2014

1 2 3

Negru | Rossu | Biancu | Ghjallu | Critica | Feuilleton




Anima Cappiata !

Torna altri rumpistacchi chì ci impuzzicanu incù i so testi, vulendu propiu esse letti per sperà ottene una qualunque gloria ch'elli ùn anu micca in a so vita viota è senza intaressu. Bon... forze chì ghje vera. Ma ci n'impippimu. È pò, a mi diciarete, bloghi litterarii, nant'à a tela, è sopra tuttu nant'à a tela corsa, ci n'hè ghjà à buzzeffa ! Tanti scrivanetti pumposi ! È bè tantu peghju ! O tantu megliu ! Hè solu una vitrina di più per fà scopre qualchi testi scritti, senza pritenzione, incù u core, incù e trippe, o incù e viscere chì vi cunveneranu...