Bloggu litterariu corsu

u 14 d'Aprile 2013 - scrittu dà - lettu 182 volte

A storia tarribuli di u toru


A storia tarribuli di u toru
Semi u 14 d’Aprili 2013, sò 11 ori, di notti, à u Lamparo.
Dopu à essesi pigliatu un raghju di coc’, cum’è tutti i parsoni di u Lamparo, ùn ne pò più Francescu. À ellu, li piace à suchjà. Cerca, cerca. Cerca … Quali hà da suchjà sta sera ? Eric, chì pare un orsu ? Andria u magru ? Larenzu u rossu ? Cerca sempri. Ùn ne pò più. S’ellu ùn suchja micca, hà da crepà. Ah, chì dipindenzaccia !
Hà sceltu, sarà Slobodan, un tippu in Erasmus à Corti chì hè falatu à vede à più bella cità di u mondu. Hè biondu Slobodan, cù una panza chì sente a biera. Trà i carreghi di tutti i ghjuvanotti di mala vita, passa Francescu. Eccu, hè daretu à Slobodan : « O Slobodà, ti possu parlà, solu ? ». Slobodan ch’ùn teme nimu, s’alza. Ma eccu chì sbarca a pulizia : « Tout le monde reste assis, contrôle. »
Tandu a ghjenti sottu à l’effetti di a droga, ùn ponu vede cà a pistola, è si scappanu. I flicchi n’apprufittanu da beie i veri abbandunati. U patrò, una volta di più, hè ind’a merda.

Francescu hè ind’a so vittura, si piglia a strada di i Peri. Slobodan hà minatu un fliccu, cum’ella di face ind’è ellu, ùn sarà micca pà sta sera. Hè in mancanza Francescu. S’ellu avia pussutu, solu una cria, una lacrima di stu Slobodan… Ma, pinsendu à u biondu, a vittura s’impatta ind’un animali, un toru tuttu in musculi. Hè accuculatu u toru, ùn capisce ciò chì si passa, marchja cum’è Coucou Milou. « Furtuna ! L’aghju da suchjà ! » si dice Francescu. È suchja u torru, sin’à esse tichju Francescu.
Bon, mi pare impurtantu da schiarì a situazioni di divvi chì Francescu hè un suchjasangui. À tutti quelli chì anu pinsatu à cosi brutti, seti strani.
U toru hè cuntaminatu. Duii denti pinzati li crescenu è i so mughji ùn sò più quelli di un toru, ma sò quelli di un toru suchjasangui. S’assumiglianu assai à mughji di toru, ma di modu di più attillatu, tal’u versu di l’aristocrati parighjini.
I ghjorni passanu, u toru hà capitu ch’ellu ùn pudia più sponesi à u soli. Ma ogni sera avà, si face una spassighjata. Ogni ghjornu, una vacca si face suchjà. Ma i vacchi suchjasangui ùn pruducenu micca un latti periculosi pà l’omu. Furtuna. U toru, chì no chjamaremi Ivan, si ricorda di sta sera, quand’ella hà cambiata a so vita. Oghji, ùn hè più stu toru debbuli, ch’ùn ghjuvava cà à ripruduce. Oghji, hè putentu, hè Ivan u tarribuli. Li piace à fassi chjamà cusì da l’altri vacchi suchjasangui, chì li piace assai a storia.
Ma eccu chì un ghjornu, cosa straziurdinaria, i puttachji dicenu a verità. Un toru è parechji vacchi avianu una malatia strana… U so pastori ùn pò più metteli à u soli. Francescu capì subbitu subbitu. Deve fà calcosa, o a so cundizioni sarà palisata à u mondu sanu, è una guerra tremenda nascerà trà umani è suchjasangui. Peghju, fors auna storia d’amori cum’è quella di Twilight nascerà anch’ella. Francescu ùn pò suppurtà st’idea. Un’altra Kristen Stewart, mai ! Hà dicisu Francescu di tumbà tutti l’animali suchjasangui. Cosa ghjuvaticcia, i suchjasangui ponu ricunnoscesi trà di elli.
Avia appruntatu i so vistiti di guerra Francescu : u treillis, u coprifaccia, è i mendels. Cultellu trà i denti, si tumbò i vacchi ad una ad una. Ivan facia l’amori à una vacca vergina. U toru pigliò pusizioni nantu à a vacca, è quandu volsi mette u so arnesi ind’u stuvigliu di a vacca, visse di pettu à ellu Francescu. Si guardanu ochji in ochji, Ivan sempri nantu à a vacca. A vacca, ella, ùn capia nudda. U toru si scavò è puntò a vacca ind’u ghjargalu.
U duellu principiò. U toru mughjò. Francescu mughjò. Da bè raprisintassi a scena ci vole à avè in capu a canzona di i Surghjenti, I Cumbattanti d’unori. I duii si cargonu. Una saetta. Chì battaglia. Allora chì i duii sanguinavanu, Ivan s’addirizzò nantu à i so zampi pustiriori, in pusizioni di pugilista. Eranu l’ultimi sicondi di u duellu. Si cazzutavanu mentri una stonda, è s’abbraccionu cum’è un tippu chì si mette à u cuntattu di Mike Tyson da piantà i colpi. Ma Ivan è Francescu avianu persu monda sangui. Tandu, i duii inficconu i so denti ind’u coddu di l’altru. È si suchjonu. Quali avia da tena ? Quali avia da more ? …

U pastori avia vistu tuttu, era sticchitu sticchitu. Mai ùn avaria pussutu creda à un toru alzatu tali un omu, nantu à duii zampi. U pastori si piattò. Ùn vulia essa suchjatu. Si pichjò à a porta. S’aprì piana piani. U pastori visse a spallera d’Ivan. Tandu pinsava esse in sicurezza. Ma Ivan u mutò in suchjasangui.
Cambiò i si piani Ivan. Avà, finitu u mondu vaccinu. Ci vulia à cunquistà u mondu di l’omu ! Tandu, mutò tutti vacchi di u circondu. È spiecò a so strategia à i so suldati : « Meu meu Meuu Meu Meuuuuu ». L’assaltu era privistu pà u 7 di Sittembri.

A notti di u 7, a mansa vaccina, Ivan purtatu nantu à un tronu da i so schiavi, avanzava nantu à a più bella cità. Una marchja funebra arritimata da i « Meu » è i cacati vaccini. L’odori avisò i citadini chì una catastrofa curria. A fini di u mondu di i Maià. Ogni vacca pichjò à una porta è mutò a famighja. A cità sana s’era trasfurmata, fora di i Salini, Paduli, è altri Orti di l’Imperadori, chì l’abitanti ci sò troppi cattivi. In calchì ghjornu, a Corsica sana era stata sottumissa, una volta di più, da un puntu A à un puntu B, da a più bella cità à a più goffa cità.
Hè cusì chì a Corsica divintò una isula di paci è d’amori.


              



Dà leghje dinù

Quercus ilex - 20/04/2017

Le savoriste - 22/02/2017

La Madonne Sibilla - 29/01/2017

Le Patriote - 21/06/2016

Le reflet - 29/05/2016

La boîte à mutisme - 18/05/2016

La tour - 23/07/2015

Février 1769 - 16/06/2015

Vertige - 27/04/2015

A rivredda di Natale - 07/01/2015

Love kamikaze - 19/11/2014

Pointure 38 - 11/11/2014

Ses yeux noirs - 07/11/2014

L’enlèvement - 17/09/2014

Académique maraude - 12/09/2014

Polpa Vaccina - 08/09/2014

Le secret - 30/08/2014

Lettre de son moulin - 05/08/2014

Prédatrice - 01/08/2014

Bertrand - 17/06/2014

1 2 3

Negru | Rossu | Biancu | Ghjallu | Critica | Feuilleton




Anima Cappiata !

Torna altri rumpistacchi chì ci impuzzicanu incù i so testi, vulendu propiu esse letti per sperà ottene una qualunque gloria ch'elli ùn anu micca in a so vita viota è senza intaressu. Bon... forze chì ghje vera. Ma ci n'impippimu. È pò, a mi diciarete, bloghi litterarii, nant'à a tela, è sopra tuttu nant'à a tela corsa, ci n'hè ghjà à buzzeffa ! Tanti scrivanetti pumposi ! È bè tantu peghju ! O tantu megliu ! Hè solu una vitrina di più per fà scopre qualchi testi scritti, senza pritenzione, incù u core, incù e trippe, o incù e viscere chì vi cunveneranu...